Kryeministri i Kosovës, Albin kurti, pas mbledhjes së Këshillit të Sigurisë, u shpreh se është i gatshëm për dialog.
Ai theksoi se është i përkushtuar në këtë proces, por para kësaj shtoi se zbatimi i ligjit dhe kushtetutës është kryefjalë e veprimtarisë së tij në krye te qeverisë së Kosovës.
“Kam shprehur gatishmërinë për dialog. Në dialog jam i gatshëm dhe i përkushtuar, ndërsa në Kosovë dua ligj dhe kushtetutë”, tha Kurti.
Ai foli edhe për masat në pikat e kalimit kufitar, ku tha se “kontrollet” nuk janë masa ekonomiko-tregtare, por janë masa të shtuara sigurie. Kryeministri u shpreh gjithashtu se agresioni është i qartë dhe burimin e ka në Serbi.
“Masat tona, nëpër vendet e kalimit kufitar me Serbinë nuk janë masa e ekonomiko-tregtare, por janë masa të sigurisë. Gjendja nuk është aspak e zakonshme, dhe për ne është e qartë se agresioni vjen nga Serbia. Nganjëherë në rrugë informale dhe është e mundshme edhe në vendkalime kufitare, prandaj si masa të sigurisë ne kemi marrë vendimin për qarkullimin të kufizuar dhe kontrolle të shtuara deri në një vendim tjetër”, tha ai.
j.l./ dita