Dy plumba janë qëlluar mesditën e sotme ndaj një Range Rover në lagjen Partizani në Shkodër. Bëhet me dije se u qëllua ndaj automjetit me targa AB 230 EO në pronësi të Sokol Kajoshit.
Personi që u qëllua me armë zjarri në Shkodër teksa po lëvizte me Range Rover dyshohet se ka qenë Arjon Kajoshi, djali i Sokol Kajoshit dhe boksier i Vllaznisë dhe Kombëtares.
Menjëherë pas të shtënave, ka braktisur makinën dhe është larguar. Ngjarja dyshohet të jetë hakmarrje për rrahjen e 62-vjeçarit, Vladimir Bruçi, në fillim të muajit qershor.
Në mesin e 5 persoave që janë shpallur në këkrim në atë kohë është edhe Arlind Kajoshi, djali i Sokol Kajoshit.
Policia në Shkodër po pyet dëshmitar për të vërtetuar cili ka qenë personi i saktë. Dëshmitar të vendit të ngjarjes kanë deklaruar se mund të jetë Arjon Kajoshi.
Shkodër/Informacion paraprak
Rreth orës 12:30, në lagjen “Partizani”, dyshohet se është qëlluar me armë zjarri në drejtim të një automjeti “Land Rover” në lëvizje, në pronësi të shtetasit S.K.
Nga të shtënat nuk ka përsona të lënduar.
Shërbimet e Policisë kanë ngritur pika kontrolli në hyrje-dalje të qytetit dhe vijojnë kontrollin në zonë për kapjen e autorit/ve.
Grupi hetimor në drejtimin e Prokurorisë po punon për zbardhjen e rrethanave, sigurimin e provave me qëllim identifikimin dhe kapjen e autorit/ve, dhe dokumentimin ligjor të rastit.
i.b./dita
