Kanë qenë me mijëra edhe fituesit e dalë nga shorteu i ditës së djeshme të hedhur në lojën më popullore të fatit në vend, Telebingo Shqiptare. Përzgjedhja ka nisur me 10 fituesit e çmimit tradicional prej 20,000 lekësh, të cilët do të luajnë sërish në shorteun e radhës të datës “26 qershor” për dy çmimet e mëdha prej 100,000 lekësh dhe shumave të tjera të ruletës. Ndërkohë që dje në “Ruletën e fatit” kanë luajtur edhe dhjetë fituesit e shorteut të datës 12 qershor, të cilët kanë fituar miliona të tëra. Konkretisht dje në këtë lojë, Besa ka siguruar shumën prej 36,000 lekë, Roze 36,000 lekë, Enveri 28,000 lekë, Donaldi 30,000 lekë, Sali 108,000 lekë, Violeta 30,000 lekë, Drita 32,000 lekë, Bashkimi 40,000 lekë, Naimi 26,000 lekë, si dhe Zymbyle 105,000 lekë.
Të shumtë kanë qenë edhe fituesit e lojës telefonike me dhuratat dhe çmimet e fshehura në zarfe. Përzgjedhja rastësore e kontrabiletave ka bërë që loja të ndalet fillimisht në qytetin e Lezhës, ku Lleshi ishte fituesi i parë që ka tentuar të godasë në shenjë dy ndër çmimet më të preferuara, makinën “Fiat” si dhe “Rrogën Telebingo”. Ndonëse nuk ka qëlluar në shenjë zarfet ku mund të fshiheshin këto çmime, me mbajtjen e zarfeve më të preferuara, ai ka siguruar nga Telebingo Shqiptare plot 100,000 lekë. Luljeta në Korçë ishte një tjetër fituese e lojës telefonike që ka siguruar shumën prej 70,000 lekësh. Mentori në Përrenjas ka vijuar të luajë më tej me Telebingo duke siguruar prej lojës telefonike 60,000 lekë.
Në vijim loja telefonike është ndalur në qytetin e Fierit duke shpallur Panajotin si fitues të 65,000 lekëve. Ndërsa Katalin në Tiranë ka arritur të fitojë nga loja me çmimet dhe dhuratat e fshehura në zarfe 80,000 lekë.
Fati i ka ecur më së miriedhe fitueses së radhës. Kësaj here bëhet fjalë për Nailen në qytetin e Burrelit, e cila me përzgjedhjen e bërë ka siguruar krahas shumës prej 30,000 lekësh, edhe çmimin e preferuar të “100 sekondave në supermarket”, kohë në të cilën do të mund të marrë të gjitha produktet e saj më të preferuara.
Më pas Telebingo Shqiptare ka vijuar me shpalljen emijëra fituesve të dalë nga shorti i goglave për çmimin e madh të javës që lamë pas, vlera e të cilit ka mbërritur në shifrën e 1,177,300 lekëve. Seria e numrave të përzgjedhur e ka ndalur çmimin e madh në qytetin e Kukësit, ku dhe rezulton të jetë blerëbileta fituese. Shorti i goglave ka përzgjedhur edhe mijëra fitues të tjerë nëpërmjet serisë me një linjë dhe dy linja. Konkretisht janë shpallur si fitues të serisë me një linjë edhe 24732 lojtarë të tjerë, të cilët fitojnë nga Telebingo Shqiptare 50 lekë. Ndërsa fitues të serisë me dy linja janë shpallur 825 lojtarë, ku secili prej tyre siguron nga Telebingo shumën prej 535 lekësh. Fitues të një bilete janë shpallur edhe të gjithë lojtarët që kanë numrin 5, të përcaktuar si numër fati në biletën e tyre.
Lista e fituesve është zgjeruar edhe më tej, ku në Telebingo është paraqitur edhe fituesja e çmimit të madh të shorteut të datës 12 qershor, e cila ka tërhequr çekun me shumën mbi 10 milionë lekë (të vjetra).
Në vijim të shkrimit do të gjeni të detajuara informacionet e plota mbi fituesit e shpallur në shorteun e djeshëm të Telebingos. Ditën e mërkurë, në orën 12:00, fituesit mund të paraqiten për të tërhequr dhuratat dhe çmimet pranë zyrave të Telebingo Shqiptare në adresën: Nacional sh.a. Rr. “Qamil Guranjaku”, Vila 9/1.
