Nuk dinë të ndalojnë milionat e fituara në Telebingo Shqiptare. Me mijëra fitues të përzgjedhur në të gjithë vendin, u janë gëzuar edhe gjatë shorteu të djeshëm, çmimeve të mëdha dhe dhuratave të lojës më popullore të fatit në vend, duke u bërë pjesë e lojës telefonike me shumat e fshehura në zarfe, ruletës së fatit, shortit të goglave për çmimin e madh të javës, “100 sekondave në supermarket”, etj.
Shpallja e fituesve ka nisur me lojën e ruletës së fatit. Në lojën e ruletës së fatit të zhvilluar dje, kanë luajtur 10 fituesit e çmimit tradicional prej 20,000 të përzgjedhur në shorteun e datës 29 maj, ku: Tefta fitoi 30,000 lekë, Pajtimi 27,000 lekë, Qazimi 27,000 lekë, Vangjeli 24,000 lekë, Qerimi 35,000, Sanija 106,000 lekë, Sifi 35,000 lekë, Hasimeja 24,000 lekë, Havaja 27,000 lekë, Sokoli 30,000 lekë, si dhe Agroni 103,000 lekë. Ndërkohë që edhe 10 fitues të tjerë të përzgjedhur dje, do të luajnë sërish me lojën e ruletës së fatit në shorteun e radhës që do të hidhet të dielën e datës 12 qershor.
Më tej, nëpërmjet lojës telefonike me dhuratat dhe çmimet e fshehura në zarfe shumë lojtarë të përzgjedhur si fitues kanë tentuar të gjejnë se ku mund të fshiheshin dy ndër çmimet më të preferuara, makina “Fiat”, si dhe “Rroga 2-vjeçare Telebingo”, fituesi i të cilës për dy vite me radhë do të marrë çdo muaj shumën e garantuar prej 50,000 lekësh.
Dori në qytetin e Shkodrës ishte fituesja e parë që ka tentuar të gjejë se ku mund të fshiheshin këto dy çmime të mëdha, por që me përzgjedhjen e bërë ka siguruar shumën prej 70,000 lekësh. Moza ka vijuar të luajë më tej, duke siguruar shumën prej 100,000 lekësh. Alesia në qytetin e Vlorës është shpallur fituese e 75,000 lekëve. Amelia ishte një tjetër fituese fatlume pasi ka arritur të sigurojë nëpërmjet lojës telefonike plot 100,000 lekë. Shpresa në Bilisht ka vijuar të luajë me Telebingo Shqiptare, ku dhe ka siguruar 60,000 lekë. Ndërsa Urimi në kryeqytet ishte një tjetër fitues që ka siguruar nga Telebingo Shqiptare shumën prej 50,000 lekësh. Familja Gjoni ishte fituesja e radhës që në lojën telefonike ka siguruar shumën prej 50,000 lekësh. Më së miri fati i ka buzëqeshur edhe fituesit të radhës, Sandrit nga Laçi, i cili ka fituar lojën e “100 sekondave në supermarket”, kohë në të cilën do të mund të marrë të gjitha produktet e tij më të preferuara.
Pas fituesve të lojës telefonike është hedhur edhe shorti i goglave për çmimin e madh të javës, që ka kapur vlerën e 1,170,250 lekëve. Seria e numrave të përzgjedhur ka treguar se çmimi i madh i javës që lamë pas u ndal në kryeqytet, ku dhe rezulton të jetë blerë bileta fituese. Shorti i goglave ka përzgjedhur edhe mijëra fitues të tjerë nëpërmjet serisë me një linjë dhe dy linja. Konkretisht në shorteun e ditës së djeshme janë shpallur si fitues të serisë me një linjë edhe 14698 lojtarë të tjerë, që sigurojnë nga Telebingo shumën 50 lekë. Fitues të serisë me dy linja janë shpallur edhe 246 lojtarë, ku secili prej tyre siguron shumën prej 1795 lekësh. Fitues të një bilete janë edhe të gjithë lojtarët që kanë numrin 9, të përcaktuar si numër fati në biletën e tyre.
Lista e fituesve është zgjeruar edhe më tej, ku në Telebingo është paraqitur edhe fituesja e çmimit të madh të shorteut të datës 29 maj, Dorina Arapi, e cila ka tërhequr çekun me shumën 971,635 lekë.
Në vijim të shkrimit do të gjeni të detajuara informacionet e plota mbi fituesit e shpallur në shorteun e djeshëm të Telebingos. Ditën e mërkurë, në orën 12:00, fituesit mund të paraqiten për të tërhequr dhuratat dhe çmimet pranë zyrave të Telebingo Shqiptare në adresën: Nacional sh.a. Rr. “Qamil Guranjaku”, Vila 9/1.
