Tensione në Kuvend, Lindita Nikolla përjashton Flamur Nokën nga seanca

Duket se ka marrë fund dakordësia mes Rithemelimit dhe maxhorancës në seancë plenare.

Tensionet janë rikthyer në sallën e Kuvendit, ndërsa shkak është sërish Sali Berisha.

Sakaq, ndërsa deputetë të Rithemelimit, janë ngritur në këmbë para Foltores, kryeparlamentarja Nikolla përjashtoi nga seanca deputetin Flamur Noka, për shkak të gjuhës jo etike në seancë.

Noka nuk u ndal me kaq, por hodhi edhe fjalë kërcënuese në drejtim të kryeparlamentares.

“Zoti Noka jeni të përjashtuar nga seanca, ju lutem lini sallën. Po më kërcënon tani? Të të vijë zor, turp të kesh. Je i përjashtuar nga seanca”, u shpreh Nikolla.

Sakaq, deputetët e Rithemelimit, janë ngritur në këmbë duke bllokuar Foltoren e Kuvendit.

Replikat në Kuvend

Lindita Nikolla: Zoti Fjala… zoti Bardha.. (qesh) Zoti Bardhi fjala për ju.

Gazment Bardhi: Përsa kohë ka kolegë të riregjistruar s’mund t’u heqësh fjalën.

Lindita Nikolla: Kolegët janë ne të njëjtën teme…

Gazment Bardhi: Ti nuk i paragjykon dot se çfarë do flasin.

(Revoltohet Flamur Noka, shkon tek foltorja)

Lindita Nikolla: Ulu zoti Noka, se nuk me trysnon dot duke u ardhur këtu..

Flamur Noka: Ti je përfaqësuese e narko-shtetit në Parlament

Lindita Nikolla; Të të vij turp për fjalët që përdor dhe të tërheq vërejtjen..

Flamur Noka: Ti je përfaqësues e narko-shtetit.

Lindita Nikolla; Ti je përfaqësueses e një Nongrate….

Ina Zhupa: Je kryetare e Kuvendit ti apo çfarë je. Na jep fjalën për procedurë.

Lindita Nikolla; Në shtëpinë time me qetësinë më të madhe….

Flamur Noka: Turp të kesh….

Lindita Nikolla: 5 minuta pushim…

j.l./ dita