Një tërmet me magnitudë 6.4 goditi Tajvanin jugor pak pas mesnatës të së hënës, duke dëmtuar ndërtesa dhe duke plagosur të paktën 27 persona. Epiqendra e tërmetit ishte në qytetin Dapu në qarkun Chiayi në një thellësi prej 9.7 kilometrash.
Gjithashtu nuk raportohet për të vdekur, megjithëse ekipet e shpëtimit janë ende duke vlerësuar dëmet.Midis tyre ishin gjashtë persona, përfshirë një foshnjë një muajshe, të cilët u shpëtuan nga një shtëpi e shembur në distriktin Nanxi, Tainan. Nuk raportohet për të vdekur, megjithëse ekipet e shpëtimit janë ende duke vlerësuar dëmet.
Një nga zonat më të goditura ishte rrethi Nanxi i Tainan, ku mbi 10 shtëpi u shembën ose u dëmtuan pjesërisht, sipas raporteve lokale. Kryebashkiaku i Tainan Huang Wei-che tha se ndërprerjet e energjisë elektrike kishin prekur disa zona të qytetit. Ai u bëri thirrje banorëve në Nanxi të qëndrojnë në shtëpi për të lehtësuar operacionet pas katastrofës.
Një 51-vjeçar banor i Nanxi tha: “U zgjova pas një tronditjeje të madhe të papritur dhe ndjeva erë gazi që mund të ketë rrjedhur. Nuk di çfarë të bëj.”
Autoritetet kanë bërë thirrje për vigjilencë, duke paralajmëruar se pasgoditje të mëdha mund të ndodhin gjatë tre ditëve të ardhshme.
j.l./ dita
