Thellohet bilanci i viktimave nga tërmeti shkatërrues në Marok.
Sipas raportimit të fundit të mediave vendase dhetë huaja, numri i të vdekurave nga tërmeti i fuqishëm të tronditi vendin disa ditë më parë ka kaluar shifrën 2800.
Sakaq, ekipet eshpëtimit vijojnë kërkimet nën rrënojat e ndërtesave të shkatërruara me shpresën për të gjetur të mbijetuar edhe pse shpresa e disa banorëve në zonat me të prekura, sa vjen edhe zbehet.
Ndërkohë, qeveria e Marokut është gjithmonë e më shumë nën presion për të pranuar ndihma nga ndërkombëtarët.
Deri më tani, ajo ka pranuar ndihmë nga vetëm katër vende – Spanja, Britania e Madhe, Katari dhe Emiratet e Bashkuara Arabe.
Një raport i publikuar së fundmi nga Agjencia e OKB-së për Fëmijët (UNICEF), zbulon se rreth 100 mije fëmijë janë prekurnga tërmeti i fuqishëm që goditi Marokun të premten e kaluar.
“Ndërsa UNICEF nuk e di ende numrin e saktë të fëmijëve të vrarë dhe të plagosur, vlerësimet e fundit nga viti 2022 tregojnë se fëmijët përfaqësojnë pothuajse një të tretën e popullsisë në Marok”, tha agjencia në një deklaratë.
Sipas vlerësimeve të OKB-së, më shumë se 300,000 njerëz janë prekur në Marrakech dhe në Malet e Atlasit të Lartë pas tërmetit 6.8 ballë, sipas vlerësimeve të OKB-së. Ministria e Brendshme e vendit njofton se mbi 2,800 njerëz janë vrarë, përfshirë fëmijë, me mijëra të tjerë të plagosur.
Autoritetet kanë frikë se këto shifra mund të rriten. Shërbimi Gjeologjik i Shteteve të Bashkuara (USGS) tha se epiqendra e tërmetit, i cili goditi vetëm pas orës 23:00 sipas kohës lokale (2200 GMT), ishte 75 kilometra (46.6 milje) në jugperëndim të Marrakech në një thellësi prej 18.5 kilometrash (11.5 milje).
Dëme masive u raportuan në Marrakech, një vend i Trashëgimisë Botërore të UNESCO-s, nga tërmeti vdekjeprurës. Ekipet e shpëtimit vazhduan të hënën kërkimin për personat e zhdukur të bllokuar nën rrënoja për të tretën ditë pas tërmetit shkatërrues, shkruajnë mediat e huaja.
Disa ekipe të huaja të shpëtimit kanë mbërritur tashmë në vend për t’u bashkuar me përpjekjet e shpëtimit për të mbijetuarit. Maroku deri më tani ka pranuar oferta ndihme nga Spanja, MB, Katari dhe Emiratet e Bashkuara Arabe.
Të dielën, qeveria marokene hapi një llogari të veçantë me thesarin dhe Bankën Qendrore të Marokut për të marrë donacione për viktimat e tërmetit.
j.l./ dita
