Prodhimi global i kompanisë japoneze të prodhimit të makinave “Toyota” u rrit 11% në nëntor në një nivel rekord, duke u rikthyer nga ndërprerjet e zinxhirit të furnizimit të vitit të kaluar dhe duke përfituar nga kërkesa e fuqishme si në Japoni ashtu edhe jashtë saj.
Prodhimi për muajin nëntor u rrit në 926,573 automjete, ndërsa shitjet në mbarë botën u rritën 14% nga një vit më parë. Të dy shifrat përfshijnë markën luksoze “Lexus” të “Toyota”-s.
Shitjet e brendshme për muajin shënuan 27% më të larta, shitjet në Shtetet e Bashkuara dhe Kinë u rritën me 17%, ndërsa ato në Evropë u rritën me 15%.
Rezultati e vendos prodhuesin më të madh të makinave në botë në rrugën e duhur për shitjet globale të më shumë se 10 milionë automjeteve të markës “Toyota” dhe “Lexus” në vitin 2023, gjithashtu një rekord më vete. Rreth një e treta e automjeteve të shitura deri më tani këtë vit kanë qenë hibride benzinë-elektrike.
p.c. / dita
