Përgjimet e bëra ndaj një shtetasi shqiptar kanë fundosur dy organizata kriminale të trafikuat të drogës me anëtarë me shtetësi shqiptare e të huaj, në Itali, duke vënë në pranga 29 persona.
Operacioni ka nisur në orët e para të mëngjesit nga policia Napolit dhe është fokusuar kryesisht në zonën e Sanita.
Në përgjimet e kryera ndaj shqiptarit, në një bisedë të qershorit 2021, ai mësohet se ka marrë në grup një bashkatdhetar që sapo kishte zbritur në Napoli.
Dy bashkëbiseduesit diskutojnë metodat e transportit të drogës dhe rreziqet ndaj të cilave ato ekspozohen, për shembull, droga nuk transferohet në një qese, për shkak të qenve nuhatës të drogës.
Ata pretendojnë se kontejnerët ofrojnë siguri më të madhe, por vetëm “nën ujë është 100% më e sigurtë, por përshtatet vetëm nga Panamaja”, thonë ata.
Fraza interpretohet nga hetuesit si një demonstrim se mjetet tradicionale tani po bashkohen me një metodë transferimi përmes nëndetëses.
Nisja e nëndetëseve nga Panamaja, nga ana tjetër, konsiderohet si një nga kryeqytetet botërore të kokainës.
Dy bandat sipas mediave italiaine, mësohet se kishin në dispozicion armë zjarri dhe automjete të pajisura me një “sistem fshehjeje” të sofistikuar për trafikimin e tyre.
Më tej, gjatë këtyre hetimeve u sekuestruan afërsisht 100 kg lëndë narkotike të llojeve të ndryshme, armë zjarri, disa makina të pajisura me “sistem fshehjeje”, një mjet shpërthyes dhe qindra municione të kalibrave të ndryshëm.
j.l./ dita
