Një aksident i rëndë raportohet të ketë ndodhur pasditen e kësaj të marte në qytetin Edessa, në veri të Greqisë. Sipas asaj që shkruan “Protothema”, një makinë në të cilën udhëtonin 5 shqiptarë u përplas më një kamion, duke gjetur vdekjen të gjithë.
Shoferi i makinës, gjithnjë sipas të dhënave të para të medias greke, dyshohet se humbi kontrollin dhe përfundoi në anën e kundërt të rrugës, duke u përplasur me kamionin që vinte përballë.
Identiteti i viktimave nuk dihen ende. Nga ngjarja mësohet se i plagosur ka mbetur edhe shoferi i kamionit, i cili ndodhet në spital.
Për nxjerrjen e viktimave nga mjeti në vendin e ngjarjes shkuan forcat zjarrfikëse. Në vendngjarje ndodhen edhe forcat e policisë, të cilat kanë nisur hetimet për zbardhjen e rrethanave të këtij aksidenti tragjik.
