Mbytja e anijes në Greqi, ku një numër ende i panjohur emigrantësh, veçanërisht fëmijë, kanë humbur jetën , mund të jetë tragjedia më e madhe në Mesdhe. Kështu u shpreh Komisionerja e BE-së për Punët e Brendshme, Ylva Johansson, duke iu përgjigjur një pyetjeje për mbytjen e anijes në brigjet e Pylos.
“Ne ende nuk i kemi të gjitha informacionet për atë që ndodhi, trafikantët që i hipën këta njerëz në këto varka janë. Jo duke i dërguar në Evropë, po i çojnë në vdekje, është absolutisht e nevojshme të parandalohet kjo”, shtoi Komisionerja e BE-së për Punët e Brendshme.
