Një banesë në fshatin Bubullimë në Lushnjë është përfshirë nga flakët për pasojë një i moshuar ka humbur jetën.
Shkak i flakëve dyshohet të jetë bërë një shkëndijë elektrike, ndërsa në banesë kanë qenë çifti i bashkëshortëve Kristina dhe Koli Koçi.
82-vjeçari ka humbur jetën, ndërsa bashkëshortja e tij ka arritur që të shpëtojë.
Zjarrfikësit kanë shkuar në vendin e ngjarjes dhe kanë shuar zjarrin.
Raportohet se çifti nuk kishin fëmijë dhe për ta kujdeseshin komshinjtë.
Banesa ka qenë shumë e vjetër ndaj dyshohet se flakët janë përhapur me shpejtësi.
Shefi i Zjarrfikësve Lushnjë, Xhezmi Metushi ka deklaruar se në momentin kur kanë mbërritur në vendngjarje e gjithë banesa ishte në flakë, ndërsa çatia kishte rënë.
Ai u shpreh se shkak i rënies së zjarrit mendohet të ketë qenë soba e druve me të cilin ngroheshin të moshuarit.
j.l./ dita
