Këshilli i Lartë i Prokurorisë ka vlerësuar tetë prokurorët kandidatë për tri vendet vakante në SPAK, duke vendosur edhe datën e intervistës së tyre. Në mbledhjen e djeshme, kandidatët u vlerësuan nga Këshilli me kualifikim të lartë dhe me nga 7 pikë në lidhje me 2 vlerësimet e fundit profesionale.
Këshilli vendosi datën 7 dhjetor, për intervistat me kandidatët duke filluar nga ora 9.00 ku procedura e prezantimit dhe pyetje- përgjigjeve do jetë jo më shumë se 30 minuta për çdo kandidat.
Intervistat me kandidatët do të regjistrohen me audio dhe video si dhe do të zgjasin jo më shumë se 30 minuta për secilin kandidat (nga të cilat 10 minuta për prezantimin individual të kandidatëve dhe 20 minuta për pyetjet/përgjigjet nga anëtarët e Këshillit dhe përfaqësuesit e misionit ndërkombëtar të OPDAT).
Në garë janë prokurori i Vlorës Albert Kuliçaj, prokurori Ols Dado, drejtuesi i prokurorisë së Elbasanit Kreshnik Ajazi, prokurorët Bledar Maksuti, Anita Jella, Ndini Tavani dhe Sonila Muhametaj dhe Pali Deçolli.
Pas intervistimit të tyre në KLP, do të jetë një komision tjetër pranë SPAK që do të vendosë përfundimisht tre fituesit.
Orari i intervistave për prokurorët në garë për në SPAK
p.k\dita
