Një 16-vjeçar është gjetur i pajetë mëngjesin e së enjtes në Tetovë, në rrjedhën e lumit Shkumbin. 16-vjeçari dyshohet se është sulmuar nga një bashkëmoshatare e tij me sende të forta në vendin e quajtur “Banja” në Tetovë.
Sipas informatave të Alsat, një vajzë 16-vjeçare, e dyshuar si e dashura e viktimës është arrestuar në dyshime për vrasje të të miturit. Policia ka arrestuar edhe dy djem, për shkak se akuzohen si të përfshirë në ngjarje.
Sektori i punëve të mbrendshme të Tetovës për momentin është duke hetuar me dyshime edhe për përfshirje të një personi tjetër.
Sipas informacioneve që disponon Agjencia e lajmeve Zhurnal, i riu është vrarë me sende të forta fillimisht, duke e goditur në kokë, e pastaj i është ndezur makina me qëllim të fshihen gjurmët derisa trupi i tij u hodh në lumë.
Avokati mbrojtës i të miturës vërtetoi se vajza po mbahet nën mbikqyrje të specializuar psikiatrike me qëllim të konstatimit të gjendjes faktike.
Sipas avokatit, Ibraim Bajrami, procedura ende është në fazë hetimore.
“Për momentin mund të them se bëhet fjalë për person të mitur të gjinisë femërore, nën 18 vjeç. Çështja është në procedurë hetimore dhe si e tillë për shkak të zbardhjes sa më korrekte të rastit është mirë që në këtë fazë t’i lëmë organet të bëjnë detyrën.
Personi që unë e kam marrë ta përfaqësoj, nga sonte do të jetë nën mbikqyrje të stafit profesional mjekësor, për t’u vërtetuar gjendja e saj psiko-fizike. Kjo është shumë e rëndësishme për t’u vërtetuar gjendja faktike në lidhje me rastin shumë tragjik”, deklaroi avokati Bajrami.
j.l./ dita
Or po nuk kalon lumi Shkumbin ne Tetove!Nga Qukesi e tehu shkon nuk e kalon Qafen e Thanes.
Shif mos e ngaterroni me ndonje tjeter.
Shkumbini kalon nga do gazeta