Ish presidenti amerikan Donald Trump i është drejtuar sërish Gjykatës së Lartë të Shteteve të Bashkuara të Amerikës, këtë herë për t’i kërkuar që të rishqyrtojë vendimin e Kolorados, i cili e përjashtoi nga fleta e votimit pas pretendimeve për rolin e tij në trazirat e Kapitolit me 6 janar të vitit 2021.
Gjykata e Lartë e Kolorados vendosi gjatë muajit dhjetor se Trump nuk ishte një kandidat i përshtatshëm, pasi ishte përfshirë në kryengritje mbi trazirat e kongresit.
Apeli për këtë vendim vjen vetëm një ditë pasi ish kreu i shtëpisë së bardhë kundërshtoi vendimin e sekretares demokrate të shtetit Maine.
Vendimi Gjykatës se Lartë të Kolorados shënon herën e parë në histori që citon dispozitën ligjore për të përjashtuar një kandidat nga fleta e votimin presidencial.
Kundërshtarët e Trump kanë ngritur dhjetëra padi në shumë shtete, duke kërkuar ta s’kualifikojnë atë nga votimi.
Gjykatat në Minesota dhe Michigan kanë hedhur poshtë përpjekjet e ngjashme për të s’kualifikuar ish-presidentin amerikan. Ndërsa në shtete të tjera, si Oregon, çështjet janë ende duke u shqyrtuar.
Një vendim i Gjykatës së Lartë të SHBA për çështjen e pranueshmërisë së Trump do të ishte i detyrueshëm në mbarë vendin.
p.k\dita
