Një ditë me përmasa historike sot për SHBA, pasi ish-presidenti, Donald Trump do dalë para gjyqit.
Trump, presidenti më kontrovers i SHBA-së po del sot para drejtësisë, pasi akuzohet se ka tentuar të blejë heshtjen e yllit të pornofrafisë, Stormy Daniels, me qëllim që ajo të mos përmendte para zgjedhjeve presidenciale të 2016, marrëdhënien e shkurtër që kishin në të kaluarën.
Trump mbërriti dje me aeroplan nga resorti i tij, Mar-a-Lago në Florida, në Nju Jork, për të kaluar natën në Kullën Trump, në zemër të Manhatan-it, rreth të cilit janë vendosur gardhe metalike.
Nga frika e incidenteve të rënda, 35.000 policë të Nju Jorkut janë vënë në alarm, ndërkohë që është rrethuar edhe zona përreth gjykatës së Manhatanit, pasi askush nuk mund të parashikojë reagimin e ndjekësve të zemëruar të ish-presidentit amerikan.
Gjyqtari Juan Merchan tha se asnjë telefon celular, laptop apo pajisje transmetimi nuk mund të përdoret në sallën e gjyqit gjatë seancës dëgjimore të Trump që pritet të mbahet sot.
Mediat do të lejohen shkurtimisht në sallën e gjyqit për fotografi përpara se gjykimi të fillojë në orën 14:15 me orën e SHBA.
j.l./ dita
