Të paktën 120 pasgoditje janë shënuar pas tërmetit të fuqishëm me magnitudë 7.8 që ka goditur Turqinë Jugore, sipas një përditësimi nga Agjencia e Menaxhimit të Fatkeqësive dhe Emergjencave të Turqisë (AFAD).
3 nga pasgoditjet ishin me magnitudë 6.0 ose më shumë dhe shtrihen për më shumë se 300 kilometra (rreth 186 milje) përgjatë zonës ku shpërtheu tërmeti në Turqinë Jugore, e orientuar nga Jugperëndimi në Verilindje dhe që shtrihet nga kufiri në Siri deri në provincën e Malatya.
Shërbimi Gjeologjik i Shteteve të Bashkuara (USGS), i cili raporton vetëm pasgoditjet më të rëndësishme që ndihen në të vërtetë në zonën e tërmetit, raportoi të paktën 43 pasgoditje me magnitudë 4.3 ose më të madhe.
Të gjitha lëkundjet për sa kohë që ato nuk janë më të forta se tërmeti origjinal, kryesor, ato konsiderohen si pasgoditje.
o.j/dita
