Elon Musk bleu Twitter-in një vit më parë, e riemëroi X dhe çoi në humbjen e parave, reklamuesve dhe besimit. Më 27 tetor 2022, Musk mbylli marrëveshjen prej 44 miliardë dollarësh, duke u përballur me një padi që e detyronte të blinte kushtet që donte të shmangte.
Një vit më vonë, ja çfarë ka ndryshuar:
Në ditët e para pas blerjes, Musk shkarkoi shpejt drejtuesit kryesorë të Twitter-it dhe privatizoi platformën. Ai gjithashtu pushoi nga puna shumicën e punëtorëve në kompaninë me bazë në San Francisko, duke shkurtuar fuqinë e tyre punëtore nga 8,000 në më pak se 1,500. Punonjësve të Twitter-it iu kërkua që të përkushtohen pa kushte në punën e tyre dhe të harrojnë punën nga shtëpia.
Ish-menaxherja e projektit Esther Crawford, e cila shkroi për këtë në internet, tha se Musk e zëvendësoi atmosferën familjare në kompani me frikën. Ajo e përshkroi Musk si të guximshëm, por “temperamental”. Ajo tha se ai ishte i rrethuar me njerëz që i thoshin gjithmonë “po” dhe se ai i merrte vendimet instinktivisht. Në korrik, Musk hoqi logon e shpendëve të njohur globalisht të Twitter-it dhe ndryshoi emrin e platformës në X.
Në muajt që pasuan marrjen e kontrollit, Musk “çmontoi” monitorimin e përmbajtjes së postuar nga përdoruesit në platformë, rivendosi profilet e ekstremistëve të ndaluar më parë dhe lejoi përdoruesit të blinin verifikimin e profilit për të përfituar nga postimet virale, por shpesh të pasakta. Musk i justifikon këto ndryshime me lirinë e fjalës.
Ai hoqi veçoritë që u vendosën për të parandaluar që përdoruesit të mashtroheshin nga postimet e rreme dhe prezantoi sisteme të reja që inkurajojnë përhapjen e tyre, sipas faqes jofitimprurëse të kontrollit të fakteve PolitiFact. Hapat që ndërmori Musk “shkaktuan një rritje të shpërndarjes së dezinformatave dhe gjuhës së urrejtjes”, raportoi PolitiFact, ashtu si edhe një numër grupesh që monitoronin përmbajtje toksike të mediave sociale.
p.c. / dita