Pas një dite është shuar zjarri i cili kishte nisur në fshatin Elgjin të Mirditës. Flakët e zjarrit dogjën rreth 1 ha bimësi, duke shkaktuar dëm të madh në zonë.
“Prej disa orësh forcat zjarrfikëse në Mirditë janë duke luftuar me zjarret që kanë përfshirë pyllin me pisha në fshatin Mashterkor të njësisë administrative Orosh. Rreth 54 efektivë të Forcave të Armatosura, forca të zjarrfikëses dhe banorë të zonës kanë bërë të mundur shuarjen e zjarrit në fshatin Elgjin, njësia administrative Orosh, në Mirditë. Pas një aksioni të përqendruar u bë e mundur izolimi i kësaj vatre, duke shmangur totalisht edhe rrezikun për banesat”, njofton Ministria e Mbrojtjes.
Shuarja e zjarrit u bë e mundur nga forcat zjarrëfikëse dhe nga banorët të cilët asistuan në fikje. Mëngjesin e sotëm, në terren mbërritën 50 ushtarë, të cilët me mjete rrethanore punuan për shuarjen e zjarrit.
Një tjetër vatër zjarri, e cila është ende aktive është ajo në Ishullin e Sazanit. Forcat zjarrfikëse dhe ato të ushtrisë janë ende në luftë me zjarret prej 3 ditësh.
j.l./ dita
