U kap duke shitur drogë në Himarë, 33-vjeçari kishte thyer masën e arrestit shtëpiak!

Një 33-vjeçar ka rënë në prangat e policisë së Himarës pasi akuzohet për trafikim të lëndëve narkotike.

Në pranga ka rënë Enrik Proda, 33 vjeç, i cili ka shkelur masën e sigurisë  “arrest shtëpie” dhe është kapur duke trafikuar lëndë narkotike.

Gjatë kontrollit të ushtruar në automjetin që drejtonte ky shtetas, u gjetën 9 kilogramë lëndë e dyshuar narkotike kanabis, të cilat u sekuestruan në cilësinë e provës materiale, bashkë me 2 aparate celulare.

Nga veprimet hetimore dyshohet se lënda narkotike do të shitej me qëllim trafikimin drejt Greqisë.