Dy shtetas shqiptarë të arrestuar në një “shtëpi bari” në Cardiff të Britanisë janë dënuar nga gjykata.
Ata janë Zenel Sulaj, 30-vjeç dhe Sali Kadria, 31-vjeç. Shqiptarët u kapën brenda një banese që ishte përshtatur për kultivimin e kanabisit. Në tre dhomat e banesës, policia gjeti sasi të mëdha të bimës narkotike me një vlerë tregu prej rreth 700 mijë paund.
Zenel Sulaj i tha gjykatëses se kishte harxhuar kot dy vitet e fundit, duke i kërkuar që ta dëbojë sërish në Shqipëri.
Nërsa Kadria rezulton se është i proceduar për tentativë për të komunikuar me një vajzë të mitur. Një video e tij teksa tentonte të takohej me minorenen është hedhur në faqet “online” britanike që gjurmojnë pedofilët.
Avokati i tij mbrojtës tha se Kadria ishte detyruar të largohej nga Londra për shkak të videos dhe turpit, si dhe kishte menduar t’i jepte fund jetës.
Gjykata vendosi dënimin e Kadrisë me 14 muaj burg dhe Sulajt me 6 muaj burg, dhe dëbim pas përfundimit të dënimit.
a.c./dita
