Një atentat me armë zjarri ka tronditur mbrëmjen e sotme qytetin e Lezhës. Persona të paidentifikuar kanë qëlluar me kallashnikov ndaj Entian (Eno) Nikulajt, kusheririt të biznesmenit Ardian Nikulaj.
Ky i fundit u vra brenda lokalit të tij në Shëngjin më 19 prill të këtij viti.
Autorët e atentatit janë ende në kërkim. Eno Nikulaj ndërroi jetë në spitalin rajonal të Lezhës.
Raportohet se autorët e atentatit janë larguar nga vendngjarja me një BMW me targa të cilat ishin vjedhur në Tiranë. Një makinë e djegur është gjetur në Rinas, ku dyshohet se i përket autorëve të vrasjes së Eno Nikulajt.
Ende nuk dihen shkaqet e vrasjes, ndonëse dyshohet se motivi është gjakmarrja.
Nikulaj u qëllua me breshëri kallashnikovi teksa po lëvizte me makinën e tij. Ngjarja ka ndodhur rreth orës 20:30 në zonën e quajtur “Ura e Trenit”. Në vendngjarje janë gjetur rreth 30 gëzhoja plumbash.
Për këtë ngjarje, policia njofton se, është ngritur menjëherë një grup i posaçëm hetimor, si dhe janë ngritur pika kontrolli në të gjitha akset rrugore.
Vrasja e Ardian Nikulajt:
Biznesmeni Ardian Nikulaj u vra më 19 në prill të këtij viti në lokalin e tij në Shëngjin. Për vrasjen e Nikulajt janë akuzuar 5 shtetas të huaj dhe shqiptari Edmond Haxhia, i cili dyshohet të ketë qenë porositësi.
Të arrestuar në Britani të Madhe janë Edmond Haxhia, Stephen Hunt, Thomas Mithan, Harriet Bridgeman dhe Harry Simson.
Organizator i vrasjes së Nikulajt ishte shqiptari Edmond Haxhia, ndërsa 4 britanikët, së bashku me Simson kishin rolin e vëzhguesve. Një shtetas portugez R.Saraiva ishte personi që e qëlloi atë për vdekje.
Oficerët e policisë po hetojnë mbi konfliktin 20 vjeçar që Nikulaj ka me fisin Lekstakaj. Pak muaj pas vrasjes së Ardian Nikulaj, u vra një person nga fisi Lestakaj. I dyshuar ishte pikërisht Eno Nikulaj që u vra këtë të shtunë në Lezhë.
a.c./dita
Vetem brenda kombit tone ndodhin vrasje kaq te renda sa te bejn ti shtrojsh pyetjen vetvehtes; perse valle kaq shume vrasje ,vrasje ne vendin e punes,vrasje duke e pire caffene e mengjesit,vrasje duke ecur rruges…vrasje ne prezencen e femive e gruas…Per te gjitha keto,them se eshte vete shteti ai i cili i mundeson vrasjet sepse(policia duke e ven edhe ajo vet jeten per ti kapur kriminelet)rrezikon te vritet,ndersa prokuroret gjyqtaret i denojne me denime qesharake.Jemi verte nje popull jo i edukuar ,na mungon dashuria per njeriun ndaj njeriut ,na ka vdekur dhimbja se ai ka grua femi,si do te vazhdojne jeten ato,si do rriten di do edukohen,Duhet nje rebolucion ku e tere shtresa e manipulatoreve qe jane kudo neper instituticiinet,te largohen dhe me gjenerata te reja kryesisht,te edukuar te shkolluar ne Europe,Amerik te zene pozicionet ku te gjithe kriminelet te ngordhin burgjeve te ftohta ,,ngushellime per familjen e keti personi ,durim dhe reflektoni dy here para se te ngrihet gishti,,,
Sistemi gjyqesor shqiptar inkurajon krimin.Hyjne e dalin per krime te renda dhe mbahen ne burg per mospagim te elektrikut.
SPAK, na c`genjeu.
Kur nuk funksionon drejtesia,do veproje vetegjyqsia.