Gazetari Nelson Matus Peña, drejtor i faqes “Lo Real de Guerrero”, u vra ditën e djeshme në një shesh tregtar në portin e Akapulkos. Sipas informacioneve nga disa media vendase, ato përmendin se vrasja ka ndodhur pak pas orës 15:00 në parkingun e një dyqani në lagjen Emiliano Zapata.
Drejtori i “Lo Real de Guerrero” ka marrë dy plagë me armë zjarri, njëra prej tyre në kokë, duke e lënë trupin e pajetë të shtrirë anash makinës së tij. Autoritetet federale dhe shtetërore zbatuan një operacion për kapjen e personave përgjegjës.
Ndërsa në kryeqytetin e shtetit, Chilpancingo, në nëntë muajt e fundit, shtëpitë e të paktën katër gazetarëve janë kontrolluar për të vjedhur pajisje, materiale pune, informacione dhe dokumente personale. Përveç kësaj, një duzinë gazetarë janë detyruar të largohen dhe dy janë të zhdukur.
Rasti i fundit është ai i Alan García-s, i cili u mor nga shtëpia e tij më 24 dhjetor dhe deri më tani nuk është raportuar asnjë progres. Gazetarët u janë nënshtruar gjithashtu sulmeve verbale dhe fizike gjatë kryerjes së punës së tyre nga oficerët e policisë, stafi i guvernatorit dhe nga vetë kryebashkiaku i Akapulkos, Abelina López Rodríguez.
Në vitin 2022, Meksika u rendit si vendi më i rrezikshëm për shtypin, duke përqendruar 20% të vrasjeve të gazetarëve në botë, me 13 raste, sipas organizatës Reporterët pa Kufi (RSF).
j.l./ dita
