Partia Socialdemokrate ka protestuar para hotelit ku po qëndron kryetarja e Dhomave të Specializuara me seli në Hagë, Ekaterina Trendafilova.
Aktivistë të shumë të kësaj partie kanë kundërshtuar vizitën e Trendafilovas në Kosovës.
“UÇK-ja nuk mund të gjykohet”, UÇK-ja është përpjekje për liri”, “Historia është shkruar, propaganda ka dështuar” janë vetëm nga disa pankartat që aktivistët e PSD-së po i mbajnë në duar.
Kjo protestë është përkrahur edhe nga OVL-UÇK-ja. Në protestë po marrin pjesë kryetari i PSD-së, Dardan Molliqaj dhe ushtruesi i detyrës së kryetarit të OVL-UÇK-së, Faton Klinaku.
Forca të shumta policore janë parë brenda hotelit, ku pritet që të mbajë diskutim Kryetarja e Dhomave të Specializuara me seli në Hagë, Ekaterina Trendafilova.
Pas protestës kundër vizitës së kryetarës së Gjykatës Speciale, Ekaterina Trendafilova është arrestuar edhe kryetari i Partisë Socialdemokrate, Dardan Molliqaj. Më herët, u arrestua edhe aktivisti tjetër i kësaj partie, Nol Nushi.
Fillimisht, PSD protestoi, e më pas edhe hodhi tym të zi në drejtim të hyrjes së hotelit ku po qëndron Trendafilova.
p.k\dita
