Për herë të parë që prej hyrjes së ushtarëve koreanoveriorë në luftën mes Rusisë dhe Ukrainës, Kievi njofton kapjen e gjallë të dy prej tyre ne në rajonin e Kursk.
Në një postim në rrjetin social X, presidenti Volodimir Zelenski tha se ushtarët e plagosur ishin dërguar në Kiev dhe po komunikonin me shërbimet e sigurisë të Ukrainës, SBU përmes një përkthyesi.
“Ashtu si të gjithë të burgosurit e luftës edhe ushtarët koreanoveriorë po marrin të gjithë asistencën e nevojshme mjekësore”, tha Zelenski teka njoftoi se gazetarët do të kishin mundësi të flisnin me ta. “Bota duhet të di të vërtetën mbi atë që po ndodh’, shtoi ai.
Zelensky tha më vonë në një video mesazh se trupat ishin kapur nga forcat speciale ukrainase bashkë paraushtarët. Forcat speciale postuan një video, që tregon ushtarët koreanoverior në duart e autoriteteve ukrainase.
Kievi pretendon se trupat e Phenianit po luftojnë në rajonin e Kursk, ku Ukraina vazhdon një inksursion të nisur që prej muajit gusht. Ukraina thotë se ka ende nën kontroll qindra kilometra katrorë në zonë.
Peniani, qe mendohet të ketë dërguar rreth 10 mijë trupa në rusi, po furnizion ushtrinë e Putinit edhe me një sasi të madhe predhash artilerie, siç bëjnë të ditur Ukraina dhe aleatët e vet perëndimorë.
j.l./ dita
