Familjarët e vogëlushit 3 vjeçar që ndërroi jetë pas vizitës tek dentisti i bëjnë apel shtetit që të vërë pas hekurave mjekun stomatolog Roland Xhaxho, të cilin e akuzojnë për vrasje.
Në rast se drejtësia nuk do të japë drejtësi, atehërë kjo do bëhet nga ata vetë: “Nuk do lejojmë që ky mjek të vrasë fëmijë të tjerë“, u shprehën të indinjuar familjarët e vogëlushit.
Pas shërbimit në një klinikë dentare, një 3-vjeçar humbi jetën tre ditë pasi iu nënshtrua një ndërhyrjeje kirurgjikale për mjekimin e dhëmbëve në një klinikë private.
Sipas dajës së 3-vjeçarit, djali ka dalë në gjendje të rënduar pas ndërhyrjes së gjatë kirurgjikale dhe infermierët kanë qetësuar familjarët duke u thënë se është gjendja e tij është normale.
“Prej gjashtë muajsh djali shfaqte shqetësime me dhëmbët, kishte shumë dhimbje. Pyetëm kudo mjekë dhe stomatologë për t’ja trajtuar dhe na rekomanduan Roland Xhaxhon si më të mirin.
