Banorët e fshatit Resulaj, ku çifti i të moshuarve Eqerem dhe Mynyre Zykaj, 80 dhe 75 vjeç, humbën jetën pasditen e sotme në Vlorë, tregojnë se ata kishin pasur probleme me energjinë.
“Më tha se është këputur teli. I thashë thirr elektricistët, se do të zërë korrenti. Bëri hatanë e zezë dhe e zuri korrenti”, rrëfeu fqinja. Ndërkohë një tjetër banore tregon se kishte parë momentin kur po dilte flakë nga kabulli. Ata tregojnë se fshati i tyre vuan prej mungesës së dritave por dhe të ujit.
“Ne vuajmë nga dritat. Një orë ujë në ditë. Kemi qenë 3 ditë pa drita. Kemi marrë në telefon. E lidhim me alumin telin ditë për ditë”, thotë banorja. Ata thonë se janë ankuar por askush nuk është përgjigjur. “I marrim në telefon dhe nuk përgjigjen!”, theksuan banorët.
