Bashkia e Tiranës do të ndërtojë dhe 6 shkolla të reja në zonat periferike të Tiranës. Lajmin e ka dhwnw kryebashkiaku Erion Veliaj, i cili tha se ndërtimi i tyre do bëhet me të njëjtën cilësi si shkollat e qendrës. 2 prej shkollave të reja janë planifikuar në Sauk.
“Ka ende nevojë për dy shkolla, për të cilat po kryejmë shpronësimin e dy hapësirave, një te ish-spitali i Arabit, që deri dje ishte braktisur, dhe do marrim një pjesë të oborrit të Akademisë së Policisë, ku ka qenë ish-parkingu i Policisë Ushtarake.”
E njëjta gjë sipas Veliajt do të bëhet edhe për lagjen 13.
“Ka edhe aty nevojë për dy shkolla. Për zonën e Liqenit të Thatë, te Kopshti Zoologjik, jo brenda Kopshtit Botanik, por në cep, ku toka është pronë shtet, do të ndërtojmë një shkollë 9-vjeçare. Kurse, gjimnazi për këtë lagje do të jetë te Parku Olimpik”.
2 të tjerat do ndërtohen në zonën e Astirit. Gjatë një diskutimi të hapur me arsimtarë dhe prindër Veliaj u ndal edhe tek taksa e arsimit për familjarët.
“Nuk është e vërtetë se ka një taksë të re për shkollat. Edhe përpara 2015-ës, në faturë shënohej një taksë për gjelbërimin, të cilën pasi erdhi administrata jonë, vendosëm ta kalojmë për shkollat e reja sepse ky ishte prioriteti ynë. Pra, nuk ka një taksë të re për familjarët. Bëhet fjalë për një taksë që dikur përdorej për gjelbërimin dhe ka qenë aty.”, tha kryebashkiaku Veliaj,
Në Tiranë, viteve të fundit sipas janë ndërtuar 43 shkolla të reja.
m.b./dita
