Kryebashkiaku Erion Veliaj ironizoi kandidatin e dyshes Berisha –Meta për idenë e nënkalimit në sheshin “Skënderbej”.
Duke folur në “Opinion”, Veliaj u shpreh se kjo është e pamundur për shkak të pendencës që nevojitet. Ai tha se duhet të mbarosh gjimnazin që të mësosh pendencën.
“Përveçse është fizikisht e pamundur sepse janë 3 kate parkim dhe 2 kate kontejner, i bie që ne duhet të çajmë të gjithë Blv. “Zogu I”, të gjithë Blv. “Dëshmorët e Kombit” dhe nuk do jetë më bulevard, do jetë një luginë e madhe, kush ka bërë 2 klasë inxhinieri.
Prandaj o miku im duhet të mbarosh gjimnazin që të dish që pendenca… Serioziteti kërkon që të kuptosh që, të shkosh 5 kate nëntokë, duhet ta fillosh tek Kryeministria pendencën dhe të kapësh pikën fundore -5.
Por përjashtojmë faktin që është fizikisht e pamundur, pra unë kur erdha në Bashki të Tiranës, Luli i këtyre e kishte mbushur dhe nuk i kishte prekur kontejnerët. Pra ishte niveli 5 kate nëntokë. Tani, kjo fizikisht është e pamundur”, tha Veliaj.
Kujtojmë që mediat ditët e fundit kanë publikuar disa investigime në lidhje me mungesën e diplomës së shkollës së mesme të Belind Këlliçit.
i.b. / dita
