Sipërmarrësi shqiptar Arlend Prend Gjoni, i njohur si Ledi, është ndarë nga jeta në moshën 35-vjeçare.
Sipas njoftimit të familjes, Gjoni ka ndërruar jetë pas një ataku kardiak.
Me origjinë nga Puka, Gjoni kishte zhvilluar aktivitetin e tij profesional vitet e fundit në Emiratet e Bashkuara Arabe, ku ishte bashkëthemelues i Prepaire Labs, kompani e fokusuar në përdorimin e inteligjencës artificiale në shëndetësi.
Në muajin maj, Gjoni ishte pjesë e një interviste të publikuar nga Forbes Middle East, gjatë së cilës foli për kujdesin shëndetësor parashikues.
Varrimi i Arlend Gjonit do të zhvillohet të dielën, më 16 gusht, në orën 13:00, në Tiranë.
