Një aksident i tmerrshëm ka ndodhur në një autostradë në Hungari, ku janë përfshirë 42 automjete.
Shkak i përplasjes masive është bërë një stuhi e madhe pluhuri, e cila bllokoi shikimin e drejtuesve të automjeteve. Në aksident u përfshinë 37 autovetura dhe 5 kamionë. Ndërkohë, mësohet se si pasojë e aksidentit kanë mbetur të plagosur 39 persona, 10 nga të cilët fëmijë, ndërsa një 44-vjeçar ka ndërruar jetë.
Pamjet e aksidentit tejet të rëndë janë kapur nga një kamera e vendosur në një nga makinat e përplasura.
