Një incident ka ndodhur ditën e sotme në detin Egje. Protothema shkruan se një anije turke ka bërë një sërë manovrash të rrezikshme me qëllim përplasjen e anijes greke por ekuipazhi i saj është përgjigjur me të shtëna paralajmëruese.
Menjëherë pas të shtënave paralajmëruese, anija turke u largua nga vendi i ngjarjes ndërsa një roje bregdetare bërtiste “Kthehuni po jua mbajti”. Ishin peshkatarët grekë ata që njoftuan autoritetet portuale për lëvizjet e turqve dhe reagimi ka qenë i menjëhershëm.
“Një varkë patrullimi e Gardës Bregdetare Helene lundroi në zonën detare për t’iu afruar tre mjeteve lundruese turke që kishin kaluar ne ujërat territoriale greke nën mbikëqyrjen e një mjeti lundrues të Rojes Bregdetare Turke. Fillimisht turqit tentuan të largonin anijen greke nga zona dhe më pas tentuan ta përplasnin. Ekuipazhi i Rojës Bregdetare Helene u detyrua të gjuante të shtëna paralajmëruese”, tha roja bregdetare.
