Pas Metës, Apple ka zbuluar pajisjen e shumëpritur të realitetit virtual, Apple Vision Pro.
Shefi ekzekutiv i Apple, Tim Cook tha se kufjet e reja dhe syzet “përziejnë pa problem botën reale dhe botën virtuale”.
Firma e teknologjisë njoftoi gjithashtu sistemin e saj të fundit operativ iPhone, IOS 17, si dhe përditësimet e MacBook Air, shkruajnë mediat e huaja.
Siç bëhet e ditur më tej, pajisja do të kushtojë 3,499 dollarë (3265 euro) dhe do të jetë e disponueshme nga fillimi i vitit të ardhshëm në SHBA.
Njoftimi u bë në një konferencë zhvilluesish në Apple Park, selia e kompanisë, në Cupertino, Kaliforni, e cila u transmetua gjithashtu drejtpërdrejt në faqen e saj të internetit dhe kanalin YouTube.
Përveç njoftimit të Vision Pro, Apple zbuloi gjithashtu iOS17, versionin më të fundit të sistemit të saj operativ për iPhone.
Apple ka prezantuar gjithashtu një sistem të quajtur Check-In – i cili automatikisht do t’i tregojë një miku ose anëtari të familjes kur të keni mbërritur në shtëpi.
Sistemi i ri operativ do të jetë i disponueshëm në vjeshtën e vitit 2023.
Shihni videon për risinë më të fundit teknologjike.
j.l./ dita
