Kjo është mini-nëndetësja e zhdukur në oqeanin Atlantik. Ajo ishte reklamuar para pak muajsh nga pronari i kompanisë OceanGate, Stockton Rush.
Ekipet e kërkimit janë në garë me kohën për të gjetur nëndetësen e turistëve, e cila u zhduk gjatë një zhytjeje drejt pjesëve të anijes së fundosur, Titanik.
Pesë persona ishin në bordin e nëndetëses kur ajo humbi kontaktin rreth një orë e 45 minuta pas zhytjes.
Në mesin e personave që gjenden në këtë nëndetëse është miliarderi dhe eksploruesi britanik, Hamish Harding. Në bord të nëndetëses janë edhe biznesmeni pakistanez, Shahzad Dawood, dhe djali i tij Sulemani. Me këtë nëndetëse po ashtu besohet po udhëtonte edhe eksploruesi francez, Paul-Henry Nargeolet. Raportohet se edhe shefi ekzekutiv i OceanGate – kompania që ka organizuar këtë zhytje – është në bordin e nëndetëses.
Avionë ushtarakë dhe nëndetëse sonare janë përfshirë në kërkimin e nëndetëses. Nëndetësja e zhdukur komunikon me një anije mbi sipërfaqen e ujit përmes teksteve të shkurtra.
Por, komunikimi përmes GPS dhe sistemeve të radios nuk është i mundur. Personat që gjenden brenda nëndetëses nuk mund të dalin vetë nga ajo, sepse ata janë të mbyllur brenda me bulona që vendosen nga jashtë.
Materialet promovuese të Titan treguan një brendësi pa ndenjëse, vetëm një dysheme të sheshtë ku mund të uleshin pasagjerët dhe një portë të vetme pamjeje me diametër 21 inç.
Qeveria franceze tha të martën se po dërgonte gjithashtu një anije kërkimore, Atalante, e cila është e pajisur me një robot eksplorues, për të ndihmuar me kërkimin. Tashmë në vendngjarje ndodhet Victor 6000, roboti që mund të nxjerrë nëndetësen në sipërfaqe.
Më poshtë shihni videon nga New York Times.
j.l./ dita
