Një rast që ka tronditur opinionin publik në Durrës dhe më gjerë është ai i Artan “Tanit”, një qytetar që sipas denoncimeve është braktisur nga institucionet në kushte të vështira.
Gazetari investigativ Klodian Tomorri ka publikuar një reportazh ku tregon se Tani u la nga një ambulancë në Portin e Peshkimit në Durrës. Ai qëndroi aty një natë e një ditë, në një zonë industriale të mbyllur, pa banesa dhe pa asnjë familjar përreth. Disa ditë më vonë u kthye sërish në spital dhe i është dashur t’i pritet këmba për shkak të përkeqësimit të gjendjes.
Çfarë thotë gazetari Osman Stafa
Osman Stafa, në postimin e tij, ka ngritur pikërisht këtë shqetësim:
“Çfarë ka ndodhur me Tanin? Ai u la në Portin e Peshkimit në Durrës, nga një ambulancë. Pasi qëndroi një natë e një ditë aty, e morën përsëri, e sot i kanë prerë këmbën.”
Stafa akuzon hapur Spitalin e Durrësit dhe Ministrinë e Shëndetësisë se po gënjejnë kur thonë se Tani u la tek një familjar. Sipas tij:
“E lanë brenda portit, ku nuk ka familjar, shtëpi, apo njerëz që jetojnë. Ndiq videon për të mësuar historinë e tij.”
Versioni zyrtar dhe denoncimi
Në deklaratën për shtyp, Spitali Rajonal Durrës sqaron se pacienti ishte trajtuar më parë në QSUT për një ndërhyrje vaskulare, më pas u shtrua në Durrës për disa javë dhe mori trajtimin e nevojshëm. Sipas spitalit, pas stabilizimit klinik “pacientit iu përgatit dalja” dhe ai “u transportua me autoambulancë në shoqërimin e punonjësve të Policisë së Shtetit dhe iu dorëzua familjarit”.
Spitali mohon kategorikisht braktisjen: “pacienti nuk është nxjerrë apo braktisur në rrugë nga Spitali Rajonal Durrës, siç pretendohet në publikim.”
Ndërkohë video e Tomorrit tregon të kundërtën: portën e sigurisë së portit, mungesën e shtëpive, dhe dëshminë e një punonjësi që thotë se e gjeti Tanin të shtrirë në tokë.
Reagimet
Rasti ka ngjallur indinjatë të madhe në rrjetet sociale. Shumë qytetarë dhe organizata të të drejtave të njeriut kërkojnë hetim të pavarur dhe përgjegjësi institucionale. Për shumë, historia e Tanit është një shembull i dështimit të sistemit për të mbrojtur njerëzit më të pambrojtur.
Kthesa e fundit: Raportohet vdekja, më pas rikthimi i pulsit në morg
Sipas raportimeve në media u tha se Tani ndërroi jetë në spital, pas komplikacioneve nga amputimi.
Disa orë më vonë, sipas JOQ u tha se në morg iu rikthye pulsi. Sipas këtyre raportimeve, gjatë përgatitjes së trupit, personeli konstatoi shenja jete dhe pacienti u kthye me urgjencë në reanimacion.
Deri më tani nuk ka një reagim të dytë zyrtar nga Ministria e Shëndetësisë pas publikimit të videos.
j.l./ dita
Populli shkiptar eshte kanibal, mos u ankoheni prr qeverite qe vet votoni. Ky rast me te ndjerin verteton cfare shoqerie jeni.
U ka plasur fare cipa. Mire qe na vjedhin, na rrjepin, na rrahin, na perqeshin dhe na vrasin… por tani na bejne edhe budallenj. Flisni, komentoni, o socialista. Veçse, jo duke share dhe fyer gazetarin qe ka kurajon te denoncoje keto ndyresi te nje ministrie qe vetem me Shendetin nuk ka asnje lidhje.
Sikur kemi nje Komision per Dezinformimin ne Kuvend. Madje edhe nje kryetare shume aktive te tij, Iris Luarasi. A kemi dezinformim ne kete rast, zonja Iris ? Nese po, çfare denimi jepet. Sepse, ose gazetari duhet ndeshkuar, ose Ministria e Shendetesise duhet shkrire. Sa per ata te Durresit, jane disa nene te Kodit Penal qe i çojne drejt e ne qeli. Por per kete mund te flase me mire Idajet Beqiri.