Dhjetë persona janë vënë në pranga nga Policia e Korçës pas sherrit masiv që ndodhi mbrëmjen e së dielës në një lokal të qytetit, ku mbetën të plagosur tre persona.
Të arrestuarit janë persona që u përfshinë në konflikt me thika dhe sende të forta.
Ndërkohë, një person tjetër që po ashtu u përfshi në sherr është shpallur në kërkim policor, ndërsa është proceduar pronari i lokalit ku ndodhi ngjarja.
Dinamika e plagosjes u zbardh nga dëshmitë e tre të lënduarve, të cilët ndodhen në spital jashtë rrezikut për jetën. Blutë kanë sekuestruar gjithashtu edhe kamerat e biznesit që kanë fiksuar të gjithë sherrin.
Mësohet se personat kanë qenë në gjendje të dehur, ndërsa konflikti mes dy grupeve ka ndodhur për motive të dobëta.
j.l./ dita
