Policia e Tiranës ka reaguar pas publikimit në rrjetet sociale të një videoje ku shfaqen disa studentë protestues të trajtuar në mënyrë çnjerëzore. Sipas policisë, personat në video nuk ndodheshin në dhomat e shoqërimit të komisariateve apo në dhomat e bllokut të sigurisë, por janë filmuar në momentin e neutralizimit në flagrancë.
Policia pretendon se ata po tentonin të hynin në një institucion shtetëror dhe po sulmonin punonjësit e policisë.
Njoftimi i Policisë:
Në lidhje me një video të publikuar në rrjetet sociale, Policia e Tiranës sqaron opinionin publik se: Personat e shfaqur në videon e publikuar në media nuk janë në dhomat e shoqërimit në komisariate apo në dhomat e bllokut të sigurisë, por janë në momentin e parë të neutralizimit në flagrancë nga shërbimet e Policisë, në një nga institucionet shtetërore ku tentonin të hynin dhe ku po sulmonin punonjësit e Policisë. Më pas, ata janë shoqëruar në komisariat nga shërbimet e Policisë.
