Vetëm 28 sekonda. Kaq i mjaftoi autorëve të Vasilis Zabunis për të vrarë 44-vjeçarin mëngjesin e së dielës, i cili ishte një nga emrat më të njohur të mafias në Greqi.
Në videot e publikuara nga Protothema.gr, shihen dy autorët duke qëlluar drejt makinës.
Siç shihet në video, njëri prej tyre pasi ka zbrazur karikatorin e parë nga kallashnikovi, ka ndërruar karikatorin dhe pasi ka mbetur bosh, ka hapur derën e shoferit dhe ka qëlluar edhe një herë 44-vjeçarin nga afër, për t’u siguruar që kishte humbur jetën.
Sipas informacioneve, janë gjetur mbi 90 plumba kallashnikovi në skenën e sulmit mafioz, që ndodhi jashtë një karburanti. Oficerët e sigurisë nuk përjashtojnë pistën që të ketë pasur edhe më shumë të shtëna, me qëllim që autorët të siguroheshin që objektivi i tyre të mos shpëtonte.
Ai ishte akuzuar si drejtues i një grupi zhvatësish, por edhe për disa vrasje, për të cilat nuk u gjetën prova. Ndaj tij pati një tjetër atentat në vitin 2018 në Pire, por arriti të mbijetonte, pasi i kishte ngecur arma autorëve, por edhe falë ndërhyrjes së policisë, e cila i dha ndihmën e parë.
Δεύτερο βίντεο από τη μαφιόζικη δολοφονία στον Νέο Κόσμο pic.twitter.com/aXngdGAVl6
— Kathimerini_Web (@KathimeriniWeb) January 14, 2024
Po ashtu, ai akuzohej si ekzekutori i bandës së vëllezërve Vlastos, të vrarë njëri një burg dhe tjetri me atentat të ngjashëm me këtë të sotmin. Zabunis tentoi t’i bënte atentat gjykatëses që po gjykonte vllezërit Vlastos në 2012 por ngjarja u shmang falë ndërhyrjes së policisë.
Autorët dyshohet se e dinin programin që po ndiqte viktima dhe e qëlluan atë derisa u siguruan se nuk do të kishte asnjë shpresë për të shpëtuar.
Βίντεο ντοκουμέντο από τη μαφιόζικη δολοφονία στον Νέο Κόσμο pic.twitter.com/4pxkhTJNgf
— Kathimerini_Web (@KathimeriniWeb) January 14, 2024
j.l./ dita
