Policia ka arrestuar pothuajse 50 persona të tjerë gjatë protestave në Paris, duke e çuar totalin në 120, sipas ‘DailyMail‘.
Një oficer policie u plagos gjatë një përplasje me protestuesit. Kjo përplasje nisi si një përgjigje e planit të presidentit Emmanuel Macron për të rritur moshën e daljes në pension nga 62 në 64 vjeç.
“Një grup personash u larguan nga policia dhe filluan të marshonin drejt Pallatit Elysee“, tha një dëshmitar okular, i cili vijoi: Ata donin të shkonin te Macron, për t’i thënë se çfarë mendojnë për masat e tij të reja.
Oficerët u përgjigjën duke hedhur gaz lotsjellës e duke e mbajtur turmën pas. Një zëdhënës i policisë tha se nuk kishte asnjë ndërhyrje në Elysee, aty ku është shtëpia zyrtare e Macron.
Problemi më i madh ishte rreth Place de la Concorde, sheshi më i madh në Paris, i cili ndodhet pikërisht përtej lumit Seine nga Asambleja Kombëtare.
Mijëra policë ishin në shesh rreth orës 20:30, duke bërë që protestuesit të largoheshin nëpër rrugët anësore.
Demonstratat në Paris, Lion, Marsejë dhe Nante u shkaktuan nga qeveria e Macron e cila po përpiqet të përdor një mekanizëm kushtetues për të rrëzuar një projektligj në Asamblenë Kombëtare për të rritur moshën e pensionit nga 62 në 64 vjeç.
Protestat vijnë në përgjigje të planit të presidentit Emmanuel Macron për të rritur moshën e daljes në pension nga 62 në 64 vjeç. Ndryshimi i propozuar kërkon që punëtorët të paguajnë më shumë në sistem dhe u mohon një pension të plotë atyre që pensionohen në moshën 64 vjeçare, pa punuar për 43 Vite.
Plani është promovuar si kryesor për vizionin e Macron për ta bërë ekonominë franceze më konkurruese, por sindikatat e kanë kundërshtuar dhe e kanë quajtur shtyrjen e moshës për pensionin si “mohim i demokracisë”.
Situata në Asamblenë Kombëtare më e ndërlikuar, pasi aleanca e Macron humbi shumicën në zgjedhjet legjislative vitin e kaluar, duke e detyruar qeverinë të llogarisë në votat e konservatorëve për të miratuar projektligjin. Të majtët dhe ligjvënësit e ekstremit të djathtë kundërshtojnë ashpër ndryshimin, dhe konservatorët janë të ndarë, duke e bërë rezultatin të paparashikueshëm.
Megjithatë, Macron mund të përdorë fuqinë e tij të veçantë kushtetuese për ta kaluar projektligjin në parlament pa votim, por ai mund të përballet me sfida ligjore. Pavarësisht protestave, një sondazh tregon kundërshtim të gjerë ndaj projektligjit të pensioneve.
j.l./ dita
