Media ruse Russia Today ka bërë një dokumentar për konfliktin aktual mes Kosovës dhe Serbisë. Dokumentari i titulluar “Serbia: Shenjat e Luftës” është propagandesk dhe nuk e trajton Kosovën si një shtet i pavarur por si një rajon i shkëputur i Serbisë. Po ashtu kjo media ka bërë dhe një krahasim mes rajonit të Krimesë në Ukrainë që u aneksua nga Rusia me situatën në Kosovë. Në këtë dokumentar të njëanshëm flitet vetëm për jetesën e serbëve në Kosovë, ndërkohë që shqiptarët e Luginës nuk përmenden fare.
Përshkrimi i dokumentarit nga media ruse:
Konflikti në Kosovë është ndezur sërish. Trazirat e fundit në rajonin e kontestuar filluan pasi u njoftuan planet për ndalimin e targave serbe dhe futjen e lejeve për serbët që hyjnë në rajonin e Kosovës. Kohët e fundit, Kosova dhe Serbia arritën një marrëveshje për shtyrjen e këtij ligji për mosnjohjen reciproke të letërnjoftimeve dhe targave të Serbisë dhe Kosovës deri më 1 shtator. Ai ndihmoi në zbutjen e fazës akute të konfliktit, por nuk e bëri zgjidhjen e problemeve thelbësore ndërmjet Serbisë dhe rajonit të kontestuar.
“Kosova është një krahinë jugore serbe e pushtuar aktualisht nga forcat e NATO-s që po e kthejnë atë në një shtet artificial, të kriminalizuar,” thotë Fedja Dimovic, këngëtari kryesor i Beogradski Sindikat.
Një numër në rritje i njerëzve në Beograd besojnë se udhëheqja serbe ka qenë e ngadaltë për të vepruar, se është koha për të zgjidhur çështjen e Kosovës në të njëjtën mënyrë që Rusia e ktheu Krimenë – se rajoni duhet të kthehet në shtëpi. Si është jeta e serbëve në Kosovë? Cila është puna e Lëvizjes së Patrullës Popullore? A ka ndonjë mënyrë për t’i dhënë fund konfliktit në mënyrë paqësore? Zbuloni përgjigjet në dokumentarin tonë të ri.
a.m/dita
