Duket se koha e motit të nxehtë po sjell gjithnjë e më shumë shkatërrim vitet e fundit në të gjithë botën.
Në shumë destinacione udhëtimi zjarret pyjore po djegin florën dhe botën pyjore prej Evropës deri në SHBA.
Pamje shokuese të eventeve fatkeqe për të gjithë ne, janë sjellë shpesh në mediat sociale nga dëshmitarët e traumës, nga punonjësit e emergjencave ose dhe nga avionët e luftës me tragjeditë.
Një video e tillë po qarkullon në rrjetin TikTok ku përdoruesi i quajtur Isaac filmoi shkatërrimin nga dritarja e tij e avionit të pasagjerëve.
Duke vendosur kontekstin e videos, Isaac shkruante: ” 17 gusht, 2023. 11 000 metra mbi Kelowna”, duke iu referuar rajonit kanadez të British Colombia.
Megjithse duke fluturuar lart në ajër, Isaac tregon shtëllungën monstruoze të tymit që mbulon zonën, e cila të jep një përshtypje të vrazhdë për atë drejt të cilës po shkon bota.
Si rezultat i zjarreve 30,000 njerëz janë zhvendosur nga shtëpitë e tyre në British Columbia.
Beteja vazhdon me zjarret e përbindshme teksa një rënie e lehtë e temperaturave ka shtuar mundësinë e avancimit të zjarrfikësve.
Dje krye-zjarrfikësi në Kelowna, Chief Jason Brolund tha se shkatërrimi shkon edhe më tej, teksa pas hyrjes në zonën më të dëmtuar punonjësit panë se një farë urragani i pashpjeguar kishte kaluar në zonën e djegur duke çrrënjosur pemët me një forcë, sipas tij “të pabesueshme”.
“Sfida jonë kryesore është cilësia e ajrit. Është mbytëse”, shtoi ai.
