Sot shënohet 1 vit nga fillimi luftës në Ukrainë.
Ishte mbrëmja e 23-24 shkurtit 2022 kur filloi pushtimi rus. Gjatë këtyre 365 ditëve të përgjakshme, gjërat kanë ndryshuar shumë por ukrainasit nuk janë dorëzuar.
Kina kërkon armëpushim dhe fund të luftimeve në Ukrainë duke kërkuar që të mbahen të sigurt centralet bërthamore dhe t’i jepet fund kërcënimeve për sulme bërthamore.
Në dokumentin për zgjidhjen e krizës ukrainase, të strukturuar në 12 pika nga Ministria e Jashtme kineze, sugjerohet “të përmbahen sulmet ndaj civilëve dhe strukturave civile”.
Lëvizja agresive e presidentit rus Vladimir Putin për të pushtuar Ukrainën në orët e para të 24 shkurtit 2022 e ktheu kohën pas, duke shkatërruar rendin botëror të pasluftës.
Evropa po përjeton frikën e një përsëritjeje të Luftës së Dytë Botërore, SHBA dhe Aleanca e Atlantikut të Veriut u detyruan të kthehen në “botën e vjetër” duke rishikuar prioritetet e tyre, superfuqive në zhvillim iu kërkua të zgjidhnin një anë.
Një mesazh në këtë ditë e përcolli edhe Volodymyr Zelenskyy për përvjetorin e parë të luftës duke thënë me bindje se ky do të jetë viti i fitores.
Presidenti i Ukrainës është zotuar se 2023 do të jetë viti i fitores, ndërsa ai dhe ukrainas të tjerë shënuan përvjetorin e parë të zymtë të pushtimit rus. Ndërsa zbardhi agimi në një ditë përkujtimore dhe sfidash, Volodymyr Zelenskyy shkroi në Twitter se ukrainasit e kishin dëshmuar veten se ishin “të pathyeshëm” në atë që ai e quajti “një vit dhimbjeje, pikëllimi, besimi dhe uniteti”.
“Ne e dimë se viti 2023 do të jetë viti i fitores sonë!”, shkruan ai.
On February 24, millions of us made a choice. Not a white flag, but the blue and yellow one. Not fleeing, but facing. Resisting & fighting.
It was a year of pain, sorrow, faith, and unity. And this year, we remained invincible. We know that 2023 will be the year of our victory! pic.twitter.com/oInWvssjOI
— Володимир Зеленський (@ZelenskyyUa) February 24, 2023
j.l./ dita
