Një tentativë vrasje e dyfishtë ka ndodhur mbrëmjen e së hënës në Prishtinë ku për pasojë janë plagosur 2 persona. Të plagosurit janë dërguar në spital për të marrë trajtim mjekësor, por fatmirësisht janë jashtë rrezikut për jetën. Drejtori i Emergjencës, Naser Syla tha se gjendja e tyre është stabile.
“Njëri është i plagosur me armë zjarri ndërsa tjetri me mjet të mprehtë. Gjendja është stabël. Pas ekzaminimeve të kryera, i plagosuri me armë zjarri do të pranohet në kliniken e Ortopedisë për trajtim të mëtejshëm, kurse tjetri do të dërgohet për trajtim në shtëpi,”- tha Syla.
Autorët e dyshuar janë identifikuar dhe shpallur në kërkim nga policia. Policia ka arrestuar dhe një person që dyshohet se ka të bëjë me rastin e plagosjes së dyfishtë sonte tek rruga “Qamil Hoxha”. Megjithatë lidhur me arrestimin nuk ka ende asnjë sqarim nga Policia e Kosovës.
m.b./dita