Rovena Gengo është volejbollistja nga Korça e cila u qëllua me shpullë nga trajneri Romeo Xega.
E reja ka reaguar pas publikimit të videos në rrjet ku shihej teksa goditej me shpullë nga trajneri i saj.
Duke lënë një koment në postimin e një prej mediave Goga thotë se çka është raportuar nuk është e vërtetë, teksa shton se ka qenë vetë ajo e cila i kërkuar trajnerit ta godiste pasi nuk po ndihej mirë.
“Përshëndetje! Unë jam sportistja për të cilën bëhet fjalë dhe më vjen shumë keq për ju që nxirrni lajme të rreme duke mos i ditur të gjitha.
Sa për sqarim unë, në ato momente i kam kërkuar trajnerit të më godasë sepse nuk po ndihesha mirë dhe kisha vërtetë nevojë. Nuk mendoj se janë të nevojshmë këto sulme kundrejt tij dhe nuk mendoj se është e drejtë të bëhet bujë një lajm i tillë. Faleminderit”, shkruan Rovena Gengo.
Kjo skenë është kapur gjatë ndeshjes për kampionatin e volejbollit të femrave mes Korca Voley U-18 dhe Dinamos
Në një moment trajneri i korçareve ka kërkuar pushim për të dhënë direktiva të reja për lojtaret e veta, mirëpo ai nuk është përmbajtur dhe ka goditur me shpullë volejbollisten e tij.
o.j/dita
