Për herë të pestë këtë verë, vullkani i malit Etna në Itali ka shpërthyer sërish, duke hedhur hi mbi Siçili dhe duke ndaluar përkohësisht fluturimet. Instituti Kombëtar i Gjeofizikës dhe Vullkanologjisë i Italisë (INGV) tha se mali Etna filloi të shpërthejë mëngjesin e ditës së sotme.
Videot nga shpërthimi tregojnë një shatërvan llave që prodhonte një re masive hiri duke filluar rreth orës 3 të mëngjesit me kohën lokale. Një kolonë hiri mund të shihet duke u ngritur nga vullkani më shumë se 32,000 metra mbi qytetet fqinje. Mediat e huaja raportojnë se ka rrjedha të vazhdueshme llave nga krateret Bocca Nuova dhe Voragine.
Fluturimet në Aeroportin Ndërkombëtar Catania të Siçilisë u pezulluan përkohësisht nga një pjesë e aeroportit të dielën pasi lëshimi i hirit ndaloi. Megjithatë, zyrtarët paralajmërojnë për më shumë vonesa të mundshme për shkak të shpërthimit të vazhdueshëm.
i.b./dita
