Rosangela da Silva, bashkëshortja e presidentit të Brazilit, Luiz Inácio Lula da Silva, në prag të Samitit në Rio de Zhaneiro, ka sulmuar manjatin amerikan Elon Musk.
“Nuk kam frikë nga ty Elon Musk. Unë as nuk kam frikë nga ju.” tha Rosangela gjatë një diskutimi rreth lajmeve të rreme në mediat sociale. Një zëdhënës i Lulës nuk pranoi të komentonte mbi këtë çështje, por vetë presidenti tha se “nuk kemi nevojë të shajmë askënd”.
Në fillim të këtij viti, Gjykata e Lartë e Brazilit urdhëroi ndalimin e platformës X (ish Twitter) pasi dështoi të emëronte një përfaqësues ligjor në vend dhe të pezullonte llogaritë që mendohej se publikonin lajme të rreme. Ndalimi u hoq pasi platforma pagoi një gjobë prej 5.1 milion dollarë. Në të njëjtën kohë, Elon Musk është një aleat i ish-presidentit brazilian Jair Bolsonaro, të cilit i është ndaluar të kandidojë për postin për tetë vjet nga Gjykata e Lartë. Bolsonaro, i cili ripostoi një pamje të videos dhe përgjigjen e Musk, tha: “Tani kemi një problem tjetër diplomatik”.
Zyrtarët brazilianë të afërt me presidentin kanë minimizuar ndikimin e mundshëm të komenteve të Rosangela dhe qeveria e Lulës po përpiqet të zvogëlojë atë që ndodhi në një përpjekje për të mos lënë në hije axhendën e samitit të G20, shkruajnë mediat e huaja. Sidoqoftë, ka shqetësime se komentet i dhanë lëvizjes së Bolsonaro “armën” që i duhej për të kritikuar qeverinë.
Rosangela da Silva është shfaqur si një figurë qendrore në skenën politike të Brazilit që kur lidhja e saj me Lulën u bë publike në vitin 2019. Çifti u martua në vitin 2022, pas pesë vitesh lidhje dhe përpara se Lula të burgosej për korrupsion.
Rosangela bëri fushatë me mbështetësit e Lulës jashtë burgut. Në fakt, çifti kanë shkëmbyer mesazhe romantike gjatë 580 ditëve që Lula u burgos.
Me një diplomë në sociologji dhe njohuri për mediat sociale, Rosangela luajti një rol qendror në fushatën zgjedhore të Lulës në 2022 dhe tani është një nga figurat kryesore të qeverisë. Presidenti e ka vlerësuar prej kohësh për rigjallërimin e tij personal dhe politik. Rosangela madje ka formuar orarin e G20, duke organizuar një sërë koncertesh dhe ngjarjesh.
Roli i saj aktiv në qeveri dhe në vendimmarrjen e politikave të presidentit ndonjëherë ka zemëruar të tjerët brenda qeverisë dhe partive të koalicionit, duke nxitur kritika se ajo e ka izoluar Lulën nga aleatët e tij. Por kjo ka nxitur gjithashtu popullaritetin e saj në një komb thellësisht të polarizuar, duke nxitur spekulime mes disave brenda Partisë Laburiste se ajo është një pasuese e mundshme e Lulës kur ai vendos të largohet.
Fuck you, Elon Musk,”
says Brazil’s first lady, Janja da Silva, during the G20 Social panel. pic.twitter.com/z99XqiHwnj
— Visegrád 24 (@visegrad24) November 16, 2024
j.l./ dita
