Pas alarmi të lëshuar lidhur me infeksionin e virusit të Nilit Perëndimor, ka reaguar Ministria e Shëndetësisë, e cila ka kërkuar nga qytetarët që të jenë vigjilent dhe të mos përhapin panik.
Në njoftimin e saj, ministria sqaron se në 80 për qind të rasteve ky virus kalon pa simptoma, 20 për qind janë ata që përjetojnë ethe dhe dhimbje, nga të cilët vetëm 1 për qind në forma të rënda.
Duke qenë se infeksioni transmetohet nga insektet te njerëzit, ministria njofton se me ISHP dhe Operatorin e Kujdesit Shëndetësor ka marrë masat për të kryer procesin e dezinsektimit dhe kryen monitorimin etomologjik periodik në të gjithë vendin.
“Qëndroni të qetë, por vigjilentë. Rritni ndërgjegjësimin dhe zbatoni masat mbrojtëse. Infeksioni nga virusi i Nilit Perëndimor transmetohet kryesisht nga pickimet e mushkonjave të infektuara. 80% e njerëzve të infektuar nuk shfaqin simptoma, ndërsa 20% përjetojnë ethe dhe dhimbje. Vetëm 1% zhvillojnë forma të rënda.
MSHMS së bashku me ISHP dhe Operatorin e Kujdesit Shëndetësor ka marrë masat duke kryer procesin e dezinsektimit dhe kryen monitorimin etomologjik periodik në të gjithë vendin. Mbroni veten dhe familjen tuaj! Për më shumë informacion rreth virusit linku më poshtë”, njofton Ministria.
i.b./dita
