Vjosa Osmani i nënshtrohet operacionit, Presidenca: Ka hequr tëmthin

Presidentja e Kosovës, Vjosa Osmani i është nënshtruar një operacioni.

Kjo është bërë e ditur nga zyra e Presidentes së Republikës së Kosovës, ku thuhet se mbrëmjen e djeshme ajo iu është nënshtruar një intervenimi kirurgjikal.

“Zyra e Presidentes së Republikës së Kosovës njofton opinionin publik se dje (2 nëntor), pas rekomandimit nga mjekët specialistë, Presidentja e Republikës së Kosovës, Vjosa Osmani i është nënshtruar një intervenimi të lehtë kirurgjik (heqja e tëmthit), i cili është realizuar me sukses”, thuhet në këtë komunikatë.

Osmani i ka kaluar përgjegjësinë deri kur të rikthehet në detyrë, Kryetarit të Kuvendit të Republikës së Kosovës, Glauk Konjufca.

“Nga 3 nëntori, Presidentja do të vazhdoj me ushtrimin e detyrave dhe obligimeve kushtetuese që ndërlidhen me pozitën e Presidentes së Republikës, si dhe gradualisht do t’i kthehet angazhimeve publike. Gjatë kësaj periudhe, kërkojmë mirëkuptimin e medieve për të respektuar të drejtën fundamental për privatësi të Presidentes, që është e garantuar me kushtetutë”, thuhet nga Presidenca.

Osmani ishte operuar edhe më parë kur kishte ngushtuar lukthin, por atëherë nuk kishte njoftuar mediat dhe as nuk kishte deleguar kompetencat.

Operacionin e kishte kryer në Turqi ndërsa këtë të fundit në një spital privat në Kosovë.

j.l./ dita