Presidentja e Komisionit Evropian, Ursula von der Leyen, theksoi besimin se Ukraina “mund të arrijë qëllimin e saj ambicioz për të kaluar në fazën tjetër të procesit të anëtarësimit” nëse zbatohen reformat e kërkuara, tha ajo gjatë një konference për shtyp me presidentin ukrainas, Volodymyr Zelensky, në Kiev.
Ursula von der Leyen vuri në dukje se Ukraina ka bërë “progres të shkëlqyer” dhe vlerësoi reformat që janë bërë. “Nuk duhet të harrojmë kurrë se po bëni një luftë ekzistenciale dhe në të njëjtën kohë po reformoni thellësisht vendin tuaj”, tha ajo.
Në të njëjtën kohë, ajo theksoi se Ukraina është “në procesin e përfundimit të reformave në pritje. Nëse kjo ndodh, unë jam e bindur se Ukraina mund të arrijë qëllimin e saj ambicioz për të kaluar në fazën tjetër të procesit të anëtarësimit.”
Presidentja e Komisionit ndodhet në Ukrainë për të gjashtën herë dhe katër ditë para prezantimit nga Komisioni të raporteve për zgjerimin, më 8 nëntor.
a.c./dita
