Gjykata ka dhënë masën e sigurisë “arrest me burg” për Ensi Mazen, për akuzën e vrasjes në bashkëpunim.
Ensi Mazen së bashku me shokun e tij, Axel Hoxha, i cili është ende në kërkim goditën për vdekje me thikë 19-vjeçarin, Stiven Toshkesi.
“Jam vetëdorëzuar pas ngjarjes dhe kam dhënë shpjegime të detajuara. Nuk kam parë veprimet që ka kryer Axeli me viktimën. Studioj në Holandë për menaxhim biznesi”, mësohet të jetë shprehur Ensi Maze.
Stiven Toshkesi u vra më 18 Prill në orën 00:35 në Rrugën ‘4 Dëshmorët’ në kryeqytet, pranë gjimnazit “Partizani”. Toshkesi u qëllua me thikë pas sherrit për të dashurën dhe nuk ka mundur t’i mbijetojë plagëve të rënda. Ai u plagos nga dy të rinjtë Ensi Maze dhe Axel Hoxhaj, të dy 18 vjeç.
Maze, i pari që përfundoi në pranga menjëherë pas ngjarjes ka deklaruar se nuk ka lidhje të drejtpërdrejtë me viktimën, por ishte vënë në dijeni të konfliktit nga shoku i tij, Axel Hoxhaj. Ky i fundit u vetëdorëzua një ditë më parë në Polici, falë ndihmës së familjarëve.
Maze ka shtuar se ka pak ditë që është kthyer nga Holanda ku është edhe me studime. Këto ditë kishte takuar edhe shokun e tij, që i kishte rrëfyer për konfliktin që kishte me viktimën, ndërsa pretendonte se ky i fundit e kishte rrahur.
Sipas Mazes, konflikti kishte nisur sepse një vajzë të cilën e pëlqente Axel Hoxhaj (që e kishte në të njëjtën klasë), ishte në një marrëdhënie me viktimën. Ngacmimet nga ana e Hoxhajt kanë bërë që Toshkesi ta dhunonte “kundërshtarin” e tij, derisa u takuan dhe nga ku konflikti nisi edhe njëherë.
j.l./ dita
